आज:  | Sun, 26, Sep, 2021

मिस्टर एण्ड मिस नेपाल एसईई २०२१ सम्पन्न : मिस नेपाल एसईई र मिस्टर नेपाल एसईईको उपाधि निकिसा र सविनलाई

२०७८, ३२ श्रावण सोमबार १२:३१ मा प्रकाशित ( १ महिना अघि) १११७ पाठक संख्या

सुदिप पौडेल

अभ्यानी प्रोडक्सनको आयोजनमा भएको मिस नेपाल एसईई २०२१ को उपाधि निकिसा र सविनलाई हात परेको छ । स्वास्थ्य सुरक्षको मापदण पुरा गर्दै उक्त कार्यक्रम आयोजना राजधानिमा गरिएको थियो । मिस नेपाल एसईई २०२१ को उपाधि निकिसाले हात पारेकी छन् भने मिस्टर नेपाल एसईईको उपाधि भने सविनले हात पारेका छन् ।

उक्त आयोजनमा मिस तर्फको उपाधि निकिसा खड्काले चुमेकी छिन् साथै उनले मिस क्याटवाक पनि हात पारिन्। प्रिया गौतमले फस्ट रनर अप र वेस्ट फिगरको उपाधि हात पारिन्। त्यसैगरी प्रमिसा सेजुवाल सेकेन्ड रनर अप हुन सफल भएकी छिन्। मिस्टर तर्फको उपाधि भने सविन निरौलाले जिते, उनले मिस्टर मल्टिमिडिया र ह्यान्डसम विथ परपोस को उपविधा पनि जित्न सफल भएका छन्। फस्ट रनर अपको उपाधि अपुर्व गौतमले जितै साथै उनले मिस्टर ट्यालेन्ट पनि हात पारेका छन्। त्यसैगरी रिन्जिन स्यानंबोले सेकेन्ड रनर अप उपाधि हात पारे र भ्युअर्स च्वाइस अवार्ड पनि जितेका छन्। प्रोभिन्सतर्फको उपाधिमा प्रोभिन्स १ मा पेमा डोल्मा तामांग, प्रोभिन्स २ मा सुभेक्षा लामा, प्रोभिन्स ३ मा प्रिन्सा आचार्य, प्रोभिन्स ४ मा दिक्षा थापा मगर र प्रोभिन्स ५ मा पुजा वस्याल विजेता धोषित भएका छन्।

अभ्यानी प्रोडक्सनको ब्यानरमा आयोजित उक्त कार्यक्रममा राप्रपा महामन्त्री तथा प्रतिनिधिसभा सदस्य राजेन्द्र लिंगदेन मुख्य अतिथिको रुमा हुनुहुन्थ्यो भने निर्णायक भुमिकामा मोटिभेसनल स्पिकर रोहित मल्ल, सिनियर कोरियोग्राफर महेश केसी, एस पि एम कृयसनको संस्थापक अध्यक्ष पवन आचार्य, संचारकर्मी तथा मोडेल प्रमिला कार्की, नेक्स्ट टप मोडेल अफ नेपाल २०१६ कि विजेता पुजा गिरी तथा फेसिनेटेड व्युटि पार्लरकी संचालक तथा व्युदि एक्सपर्ट लक्ष्मी महत रहनुभएको थियो।

विषम परिस्थितिका वावजुत पनि कार्यक्रम सफल भएकाले आफूमा थप उर्जा प्राप्त भएको र यस्तै अभिमुखीकरण कार्यक्रमहरु फेरि प्रस्तुत गर्ने अभ्यानी प्रोडक्सनको संस्थापक अध्यक्ष अभिविन्द खनियाले जानकारी दिनुभयो। २० दिनसम्म विभिन्न सुरक्षा मापदण्ड भित्र रही सन्चालन गरिएको व्यक्तित्व अभिमुखीकरण , जिवन कौशल कला र मोडलिंग सम्वन्धी उक्त तालिम कार्यक्रममा कोरियोग्राफरको भूमिकामा रोजिन शाक्य, अफिसियल फेसन डिजाइनर सिमोन पन्डित, प्रोजेक्ट डाइरेक्टर अनिकेत अधिकारी, डान्स कोरियोग्राफरको भुमिकामा सुजन श्रेष्ठ, र मुख्य व्यवस्थापकको भूमिकामा सौरभ चौधरी रहेका थिए।

 

खबर एक्सप्रेस