काठमाडौं, जेठ ६ गते मंगलबार ।
सरकारको नीति तथा कार्यक्रम संसद बैठकबाट बहुमतले पारित भएको छ ।
गत शुक्रबार पेश भएको सरकारको नीति तथा कार्यक्रम माथी सांसदहरुबाट उठेका बिभिन्न प्रश्नहरुको जवाफ प्रधानमन्त्री केपी शर्मा ओलीले आज दिएका थिए । प्रधानमन्त्रीले जवाफ दिएपछि सभामुख अग्निप्रसाद सापकोटाले सरकारको नीति तथा कार्यक्रम संसदमा निर्णयार्थ प्रस्तुत गरेका थिए ।
नीति तथा कार्यक्रम संसद बैठकबाट बहुमतले पारित भएपछि प्रतिनिधि सभाको अर्को बैठक २०७७ साल जेठ १३ गते मंगलबार दिनको १ बजे बस्ने गरी संसद बैठक स्थगित भएको छ ।