आज:  | Sun, 14, Aug, 2022

सरकारी विद्यालयमा शिक्षक जागीर खुल्यो लाइसेन्स नचाहिने

२०७६, १६ फाल्गुन शुक्रबार १३:३२ मा प्रकाशित ( २ साल अघि) ११४०९ पाठक संख्या

सरकारले विद्यालयमा पढाउनका लागी आजदेखि आवेदन खुलाइएको छ एक हजार पाँच सय जना शिक्षक खोजेको छ शिक्षा मन्त्रालयअन्तर्गत शिक्षा तथा मानव स्रोत विकास केन्द्रले शैक्षिक सत्र २०७७ वैशाखदेखि चैतसम्मका लागि स्वंयसेवक शिक्षकका लागि शुक्रबार आवेदन खोलेको हो।स्नातक र स्नातकोत्तर तह पास गरेका १८ वर्ष पूरा भई ४० वर्ष ननाघेका नेपाली नागरिकले http://doe.gov.np मा निवेदन दिन सक्नेछन अंग्रेजी, गणित र विज्ञान मूल विषय पढेकाहरू शिक्षक हुन पाउँछन्। यस्तो शिक्षक हुन शिक्षण अनुमति पत्र (लाइसेन्स) पनि चाहिँदैन।
आउँदो वैशाखदेखि नै विद्यालयमा स्वंयसेवक शिक्षक पठाउने गरी केन्द्रको तयारी छ । विद्यार्थी संख्या धेरै भएका तर आवश्यकता अनुसार शिक्षक नभएका विद्यालयमा स्वंयसेवक शिक्षक पठाउने तयारी केन्द्रको छ ।
देशका सात सय ५३ स्थानीय तहमध्ये छ सय ६८ तहमा शिक्षक अभाव छ। मूल विषय अंग्रेजी, गणित, विज्ञान पढेकाले जागिर पाउँनेछन् छन।
स्वंयसेवक शिक्षक राख्न शिक्षा मन्त्रालयले गत माघ २९ गते मन्त्रीस्तरीय निर्णयबाट कार्यविधि पनि तयार गरिसकेको छ।
सुगम क्षेत्रको विद्यालयमा पढाउने स्नातक मात्रै पास गरेको शिक्षकलाई मासिक तलब २४ हजार छ भने भौगोलिक क्षेत्रअनुसार दुर्गम क्षेत्रमा काम गर्नेको तलब ३० हजार छ।
स्नातकोत्तर पढेकाको तलब केही धेरै छ। उनीहरूको तलब सुगम क्षेत्रमा २६ हजार र दुर्गम क्षेत्रमा ३२ हजार हुने स्वंयसेवक परिचालन कार्यविधि २०७६ मा उल्लेख छ। शिक्षकहरूले प्राविधिक धारका शिक्षा विस्तार गरेका विद्यालयमा पनि पढाउन पाउनेछन्।
चैतभित्र केन्द्रबाट स्थानीय तहमा शिक्षकको विवरण पुग्नेछ। विद्यालयबाट नियुक्ति लिएको सात दिनभित्र पढाउन हाजिर नभए नियुक्ति स्वत: बदर हुन्छ। यस्ता शिक्षकको एक विद्यालयबाट अर्कोमा सरूवा हुँदैन। जागिर छाड्नु परे दुई महिना अगाडि नै जानकारी दिनुपर्नेछ। स्वंयसेवक शिक्षकले सातामा २४ पिरियड पढाउनुपर्छ। यस्ता शिक्षकले महिनामा एक दिन भई परिआउने/पर्व बिदा लिन पाउँछन्। तर बिनासूचना १५ दिनसम्म अनुपस्थित रहे प्रधानाध्यापकले स्वंयसेवकलाई जागिरबाट हटाउन सक्नेछन्।

खबर एक्सप्रेस