हिजोबाट नागढुंगा–नौबिसे सडकखण्डमा ठुलो जाममा परेको छ जसका कारण बस मै एक जना बिरामी यात्रुको ज्यान गएको छ ।
जनकपुरबाट काठमाण्डौका लागि छुटेको ना ७ ख ५३६४ नम्बरको बसमा रहेका रौतहट गरुणा नगरपालिका ८ का ३५ वर्षका रुपलाल शाहको जाममा परेकै अबस्थामा आज बिहान ज्यान गएको प्रहरीले जनाएको छ । शाह क्यान्सर पीडित भएको परिवारले बताएका छन् ।
गाडीमा रहेका शाहको के कारणले ज्यान गएको हो भन्ने बारेमा खुल्न बाँकी छ ।प्रहरीले अहिले शाहको शव पोष्टमार्टमको लागि लैजाने तयारी छ ।